By Arushadigital
Mahakama ya Hakimu Mkazi Arusha imewafutia mashtaka ya uhaini na kuwaachia huru washtakiwa wanne akiwemo Mwandishi wa Habari wa Ayo TV, Godfrey Ng’omba baada ya Mkurugenzi wa Mashtaka (DPP) kueleza hana nia ya kuendelea na mashitaka.
Wengine walioachiwa ni watoto watatu wa kiume waliokuwa kwenye mahabusu ya watoto, wenye umri wa miaka 13, 16 na 17.
Thomas kwa mara ya kwanza alikamatwa na kushikiliwa kituo cha polisi oktoba 29,2025 siku ya uchaguzi na kusota mahabusu ya polisi kwa takribani siku saba kabla ya kuachiwa kwa dhamana.
Akiwa nje kwa dhamana kwa sharti ya kuripoti kila siku kituo kikuu cha polisi,ghafla siku ya pili ya kuripoti aling'ang'aniwa na baadaye siku hiyo hiyo majira ya mchana , Novemba 7,2025 alifikishwa mahakamani na wenzake takribani 191 na kusomewa mashtaka ya kula njama na kutenda makosa ya uhaini .
0 Comments