CCM Yarudisha Majina Matatu Katika Mchuano wa Uteuzi wa Meya Arusha
Na Joseph Ngilisho – Arusha
Chama cha Mapinduzi (CCM) Mkoa wa Arusha kimerudisha majina matatu ya wagombea wanaowania nafasi ya Meya wa Jiji la Arusha, huku mchuano huo ukitajwa kuwa miongoni mwa yenye ushindani mkubwa katika uchaguzi wa ndani ya chama mwaka huu.
Majina yaliyopitishwa ni pamoja na,Matiyani Laizer – Diwani mteule wa Kata ya Lemara,Maxmillian Iranghe – Diwani mteule wa Kata ya Kaloleni na meya anayetetea nafasi yake na Credo Kifukwe – Diwani mteule wa Kata ya Muriet .
Urejeshaji wa majina hayo unaashiria kuingia rasmi katika hatua ya mwisho ya mchujo, ambapo vikao vya maamuzi vitapima uwezo, rekodi na dira ya kila mgombea katika kuongoza Jiji la Arusha ambalo ni kitovu cha utalii, biashara na uwekezaji nchini.
Kwa mujibu wa ratiba ya chama, mchuano wa mwisho wa uteuzi wa meya ndani ya CCM utafanyika kesho, ambapo wajumbe wa vikao husika watapitisha jina moja litakalopeperusha bendera ya chama katika uongozi wa jiji hilo.
Uteuzi huo unakuja wakati Arusha ikiendelea kusukuma mbele ajenda za maendeleo kupitia maboresho ya miundombinu, usimamizi wa mapato na uimarishaji wa huduma kwa wananchi—maeneo yanayohitaji uongozi imara, madhubuti na wenye maono.
Ends..
0 Comments